Ôi ntri (27/11), ta nkual ƀon têh Kon Tum, Ban rđău đă rgŏ jă yur êng mham n’gor Kon Tum ƀư mpư rnê nuĭh yur êng mham ntoh lư năm 2024. Ta Nar mpư rnê nuĭh yur êng mham ntoh lư năm 2024, Ban rđău đă  rgŏ jă yur êng mham n’gor Kon Tum hŏ mpư rnê 349 nuĭh, rnăk wâl, nsum  mpôl yur êng mham ntoh lư.

Đah nău mpơl gĭt lor “yur êng mham kơl nuĭh- Du nău kan uĕh khlay”, trong leo ƀư yur êng mham ta n’gor Kon Tum ăp năm mhe aơ hŏ geh njuat hăn đăt ndal mpeh dŭng mham dơn geh n’hanh rnoh âk nuĭh râng yur êng mham. Ntơm  bah năm 2023 tât aƀaơ lam n’gor hŏ ƀư 57 tơ̆ yur êng mham, dơn geh bơi 9.800 dŭng mham rlău rnoh dơi jao.