Aƀaơ, ăp ntŭk kan ntĭm nti mầm non, phổ thông công lập bâh n’gor Kon Tum hôm nha mô tŏng rlău 1.700 rnoh biên chế cán bộ nai nti.

Ta năp nău aơ, n’gâng kan ntĭm n’hanh nti ta n’gor Kon Tum dôl geh ƀư âk trong kan gay ma mât đăp mpăn nău ntĭm nti ta ăp ngih nti. Bâh nău mbơh bâh n’gâng kan ntĭm n’hanh nti ta Kon Tum an saơ, đah gâl nti mầm non aƀaơ n’gor hôm nha mô tŏng 705 rnoh biên chế, Tiểu học mô tŏng 477 nuĭh, Trung học cơ sở mô tŏng 497 nuĭh n’hanh Trung học phổ thông mô tŏng 43 nuĭh. Gay ma bah nău mô tŏng nai ntu mầm non, n’gâng kan ntĭm n’hanh nti Kon Tum ƀư pă dăp, nglăp kan ndrel ntŭk kan mầm non, phổ thông công lập jê̆ jê̆ jêng rgum nti nsum.

Pă kan, dăp uănh, tâm pă mpôl cán bộ mât uănh, nai nti, nuĭh kơl kan ta ngih nti ta ăp nkuăl, nkra nsơm nău rmeh, mô tŏng ta ăp ntŭk. Pă kan, ndơ̆ nai nti gâl trung học phổ thông ntĭm nti ta du đê̆ tiết ta gâl nti Trung học cơ sở, nai nti trung học cơ sở nti du đê̆ tiết ta gâl tiểu học. N’gâng kan ntĭm n’hanh nti n’gor Kon Tum lĕ dăn đă n’gâng kan ntĭm n’hanh nti ntop tay rnoh biên chế nău kan ntĭm n’hanh nti hôm nha mô tŏng nuĭh kan.

Chú thích ảnh: Cô giáo Cao Thanh Diễm Quỳnh đảm nhiệm dạy tiếng Anh tại 2 trường tiểu học trên địa bàn thành phố Kon Tum.