Nkhêp geh năm mhe  sĭt,, Tết tât, nar ntri (11/1), wa Nguyễn Trọng Nghĩa, Bí Thư Trung ương Đảng, Kruanh Ban Tuyên giáo Trung ương hŏ sĭt khâl n'hanh pă nklâm ndơ, mbah rhơn Tết ta n'gor Tiền Giang. Tât khâl Nhih nti Tiểu học Nguyễn Thị Tốt, ta xã Vĩnh Hựu, nkuâl Gò Công Tây (n'gor Tiền Giang), wa Nguyễn Trọng Nghĩa, Bí thư Trung ương Đảng, Kruanh Ban Tuyên giáo Trung ương hŏ ôp khâl n'hâm suan, rgŏ jă nai ntĭm kon se nti bah nhih nti nsrôih, nkra bah jêr jŏt n'hao săk blău ntĭm n'hanh nti, rgop ntĭm nti nuĭh gĭt blău an neh dak.

Wa Nguyễn Trọng Nghĩa mbah rhơn nai ntĭm kon se nti nhih nti Nguyễn Thị Tốt năm mhe, geh nău dơi mhe, pă nklâm ndơ n'hanh 20 rkeh prăk gay cán bộ, nai ntĭm nhih nti geh ndơ ma rhơn Tết, wơt năm mhe. Bah ăp nê, wa Nguyễn Trọng Nghĩa, Bí Thư Trung ương Đảng, Kruanh Ban Tuyên giáo Trung ương hŏ tât khâl, mbah rhơn Tết ta Bộ Chỉ huy Bộ đội Biên phòng n'gor Tiền Giang.

VOV/Nuĭh rblang: Điểu Thân