Ôi 9/1 Kruanh dak Nguyễn Xuân Phúc hŏ ƀư tơm rơh hop tâl 3 Ban rđău đă rgâl dơh glêh Tư pháp Trung ương. Kruanh dak Nguyễn Xuân Phúc mpư rnê Ban Nội chính Trung ương hŏ nchrăp siƀŭt mbơh lôch jêh pah kan năm 2022 đah âk nău lư, rgum prăp âk mpưm n'hanh n'gluh trong rƀŏng an ƀư tâm năm 2023 geh nău dơi âk; nchih nkah ăp nău rgop lĕ nuih n'hâm, khuh n'gôr bah ăp nuĭh râng rơh hop.

Tâm ban ŭch đah bôk nău kan n'hanh ăp nău dơn kan tâm năm, nău dơn kan na nê̆ bah Ban rđău đă tâm năm 2023, Kruanh dak dăn đă bah meng nău dơn kan mbro tĭng n'gâng kan, trong kan dơi tâm pă, ăp nuĭh kan tâm Ban rđău đă uănh khlay nchŏng đă ăp nhih pah kan lor nchrăp rdâk njêng trong tor gĭt lor gay tĭng ƀư nău rgâl dơh glêh tư pháp nchih tâm Nghị quyết 27 yor aơ lah ăp nău kan khlay bah năm lor bôk năp an ƀư Nghị quyết.

VOV Tây Nguyên/Nuĭh rblang: Điểu Thân