Gay ma rklaih ơm nau khuch bah phŭt mrô 5 ndrel mih dak lip lơh ta Nkuăl ƀon têh Đà Nẵng ndrel du đê̆ n’gor miền Trung, kêng măng 19/10, Kruanh dak Nguyễn Xuân Phúc ntoh măt rđau kan Đảng, Ngih dak ôp khâl, pă nklâm ndơ ân ƀon lan mâp nau khuch yor mih dak lip ndrel pah kan đah nkuăl ƀon têh Đà Nẵng, ăp n’gâng kan, ntŭk kan tât pah kan rklaih nau khuch.

Jêh mêt uănh ngăn, Kruanh dak Nguyễn Xuân Phúc ndrel rmôt kan hŏ pah kan đah rđau Nkuăl têh. Ntoh nau tâm nar pah kan, ndrel đah ăp nhoat ndâk nau kan ê nkra, tăch rgâl ndrel đăp mpăn nau rêh, nau kan nâm ơm ân nŭih ƀon lan, Kruanh dak Nguyễn Xuân Phúc đă rgum rmôt ƀon lan nkra ngih vâl, rep kloh ntŭk ntu mih n’hach, ndâk nau pă điện, pă dak, ntŭk nkoch mbơh nau, rklaih ngăch ntŭk ntu ngih vâl, ngăn lah gung trong, trong hoch dak, ngih dak si, ngih săm ƀŭt, đăp mpăn tŏng săm ƀŭt, ndơ dŏng ntĭm nti ân kon se./.

VOV/Nŭih rblang: H’Thi