Di nkah 80 năm nar ndâk tahen ƀon lan Việt Nam, ôi 18/12, Kruanh dak Lương Cường hŏ tât khâl ndrel pah kan đah Quân đoàn 12, gŭ kan tâm n’gor Ninh Bình. Ntoh nau tâm nar pah kan, Kruanh dak Lương Cường ntoh nau rhơn rnôk tât khâl cán bộ, tahen Quân đoàn 12-Quân đoàn ƀư tĭng trong “ueh, nâp, dăng” bôk năp bah Tahen ƀon lan Việt Nam. Ntoh măt rđau kan Đảng, Ngih dak, Kruanh dak Lương Cường kơp dơn, rnê prêh ăp nau tă geh dơi ma cán bộ tahen Quân đoàn 12 hŏ tă geh tâm rơh rlau aơ.

Kruanh dak đă, Quân đoàn 12 ân rgum, rđau ƀư rjăp nau dơi bah ăp nkô̆ nau kan Đại hội Đảng lam dak tal XIII, Nau ntrŭnh Đại hội Đảng bộ tahen ƀon lan tal XI nchrăp. Quân đoàn lŏ ƀư ueh nau kan tâm rgop ma gưl uỷ, n’gâng kan, ƀon lan ăp nkuăl gŭ tâm ntŭk, ndâk ‘nuih n’hâm ƀon lan”, nkuăl njrăng rdâng nâp nâl./.