Ôi (5/12), Kruanh dak Lương Cường pah kan đah Ban thường n’gor ủy Thanh Hóa mpeh nu nău ƀư tĭng Nghị quyết Đại hội rơh tal 13 bah Đảng, Nghị quyết Đại hội Đảng bộ n’gor rơh tal 14 năm kan 2020-2025; năm kan khlay tâm năm tât. Ntoh ngơi ta nar pah kan, Kruanh dak Lương Cường đă n’gor, tâm năm tât, an mât uănh jru lơn nău rƀŏng, nchrŏng trong nsrôih tât năm 2030 ndơ̆ Thanh Hóa jêng “N’gor ndrŏng uĕh, wât blău mhe;

ngoăy tâm âk ntŭk têh bah nkual Bắc Trung Bộ n’hanh lam dak mpeh công nghiệp ŭnh nar n’hanh nkret njêng, ê nkra; lŏ mir hao âk; rhŏ an logitics, pâl nđaih, ntĭm nti, dak si hao jru; hao jêng mhe ndrel đah Hà Nội, Hải Phòng n’hanh Quảng Ninh jêng an 4 jônh hun hao mpeh Bắc bah Neh dak”, tât năm 2045 lah “n’gor hun hao lĕ rngôch n’hanh ntrong leo bah dak”. Tĭnh nuih n’hâm nĕ, Kruanh dak đă n’gor an ƀa ƀơ mât uănh ndâk njêng Đảng bộ, n’gâng kan ƀon lan n’hanh trong chính trị kloh uĕh, nâp dăng, n’glêh jêt, nău kan tam, săk rnglăy.