Ôi ntri 27/11, ta Hà Nội, Kruanh dak Lương Cường pah kan đah Ban Nội chính Trung ương – Nhih pah kan rnâng kan bah Ban rđău đă rgâl dơh glêh tư pháp Trung ương gay an nău rgop mpeh trong rƀŏng, nău dơn kan bah Ban rđău đă tâm let năp tay.

Lah ta rơh pah kan, Kruanh dak Lương Cường rnê âk Ban Nội chính Trung ương hŏ kan nsum lhăt đah ăp nhih pah kan gŭ mĭn ƀư lôch jêh trong nchrăp quy định hao rblang dăn Bộ Chính trị mĭn uănh n’gluh an dŏng; nkre dăn đă lor nchrăp kan nsum, nsŏng kơl, nchrăp uĕh nkô̆ rơh hop lor bôk năp bah Ban rđău đă lôch rnôk Bộ Chính trị geh n’glêh an dăp rgum ăp tŏng Ban rđău  đă. Kruanh dak đă Ban Nội chính Trung ương rgum nsŏng kơl rdâk njêng bôk  nău  kan rgum  tơm pah kan n’glôch jêh lĕ năm kan, kơl Ban rđău đă ƀư jêng ngăn ngăn nău kan, đă tĭng di ăp nău dơn kan, trong nkra mpeh rgâl dơh glêh tư pháp tĭng Nghị quyết mpeh rdâk njêng tay n’hanh lôch jêh tĭng ƀư Ngih dak pháp quyền xã hội chủ nghĩa Việt Nam tâm rơh mhe.