Kêng măng ntri (13/12), ta Nhih pah kan kruanh dak, Kruanh dak Lương Cường wơt Đại sứ Cộng hòa Algeria Sofiane Chaib tât ntĭnh sĭt dŭt jêh năm kan ta Việt Nam. Ta rơh wơt, Kruanh dak Lương Cường rnê âk ăp nău rgop bah Đại sứ tâm rnôk pah kan ta Việt Nam, rgop bun dăp n’hanh n’hao dăng buăt nthoi tâm boh tâm rnglăp way ơm đah bar dak; nkre ma Đại sứ, njuăl nău mbah rhơn tât chính phủ n’hanh ƀon lan Algeria mpeh ăp nău dơi hŏ geh tâm pah kan rdâk njêng n’hanh hun hao neh dak.

Kruanh dak Lương Cường tâm ban ŭch an lah bar dak ân tâm kơl nsum ta ăp rơh rgum nchră âk ding, nsum ti rgop an đăp mpăn, bah tâm lơh tâm su n’hanh hun hao nâp dăng ta bar nkual n’hanh lam ntŭr neh. Kruanh dak Lương Cường dăn Đại sứ mbra nsĭt geh âk nău dơi lơn đŏng ta ntŭk gŭ kan mhe n’hanh bol ta moh ntŭk gŭ kan mbra geh tay ăp nău rgop ngăn ngăn tâm nău rdâk nâp tâm boh way ơm tâm rnglăp Việt Nam -Algeria.