Kêng măng 6/1, ta Nhih pah kan kruanh dak, Kruanh dak Nguyễn Xuân Phúc mâp măt 50 nuĭh ntơh măt an bơi 2000 nuĭh ntoh lư tâm "Nău kan uĕh" bah Radio ƀoh rup Việt Nam tâm 8 năm aơ. Lah ta rơh mâp măt, lah rjăp nău mĭn tâm rlong rŏng dak bah Kruanh Hồ Chí Minh n'hanh nău way ơm "rŏng nuĭh tâm ban rŏng săk nơm", nuih n'hâm tâm rŏng tâm kơl lah rnoh khlay uĕh lăng bah rnoi nuĭh he, Kruanh dak Nguyễn Xuân Phúc mpơl nău rhơn n'hanh rngot dơi gĭt tât nău nkoch tâm nău rêh ngăn bah ăp nuĭh leo lor trong uĕh lăng, tâm bôk "Nău kan uĕh".

Kruanh dak lah kloh Đảng n'hanh Ngih dak he way uănh khlay mât chăm an ăp nuĭh geh n'hâm suan, nuĭh ach o, nuĭh quet nte, nuĭh mô lap tâm nău rêh, gay mô geh du hê nuĭh ndul êng bah kơi. Ndrel đah nê, nău nsum ti bah ăp nuih n'hâm rŏng nuĭh, nău ntop kơl bah ăp nuĭh leo "Nău kan uĕh" lah dŭt khlay, yor khân păng lah ăp nuĭh gŭ dăch kêng ăp nuĭh geh nău rêh dŭt jêr jŏt, nău ntop kơl dŭt n'hâm, nsĭt tay nău nsing nơm tâm nău rêh, rgop ƀư rêng lam rnoh khlay nău rêh uĕh lăng, nuih n'hâm lŏng nuĭh Việt Nam rŏng nuĭh, mât nkrum.

VOV/Nuĭh rblang: Điểu Thân