Kruanh dak lah na nê̆ Việt Nam uănh khlăy nău tâm boh tâm kơl âk ding đah Qatar, mpơl nău rhơn ta năp nău hun hao ueh ta nău tâm boh tâm rnglăp đah bar dak, rnê âk nău tâm mbơh ăp gâl kan n’hanh nsrôih kơl ndrel ta ăp rơh tâm nchră âk ding.

Gay ma ntrôl tay nău tâm kơl đah Việt Nam n’hanh Qatar tâm let năp tay, kruanh dak dăn đă bar ding tâm rgop leo ƀư ăp nău pah kan kahgĭt 30 năm njêng nău tâm boh kan ta năm 2023, ntrôl dăng ăp nău pah kan tâm mbơh ăp gâl kan, đă doanh nghiệp n’hanh ăp nuĭh ntuh kơl Qatar n’hao nău ntuh kơl ta Việt Nam. Kruanh dak ŭch Đại sứ bol ma ta ăp nău kan mhe, mbra lah ntung njŏ ntrôl nău tâm boh tâm rnglăp, tâm kơl đah bar dak.