Ôi nar 25/10 ta ntŭk kan kruanh dak, kruanh dak Nguyễn Xuân Phúc vơt kruanh Thượng viện dak Campuchia, Samdech Say Chhum, leo mpôl kan gâl têh thượng viện Campuchia di rơh tât khâl ngăn Việt Nam.

Kruanh dak Nguyễn Xuân Phúc mbah rhơn kruanh Thượng viện leo mpôl kan gâl têh Thượng viện Campuchia tât khâl ngăn Việt Nam, lah na nê̆ Sam đec  kruanh lah nuĭh băl dŭt bên bâh Việt Nam.

Lah ueh kruanh dak Nguyễn Xuân Phúc ntêm mông nar tâm mâp, Xămđec kruanh Thượng viện Campuchia lah na nê̆ rơh tât khâl aơ ntop ntrôl tay lơn nău tâm boh way ơm ueh đah bar dak. Nău mbơh mpeh nău geh tâm nchră ueh đah kruanh Quốc hội Việt Nam Vương Đình Huệ, Sămđec kruanh Thượng viện Campuchia an gĭt bar ding lĕ geh ndơ̆ mbơh ăp trong kan tâm kơl đah ntŭk kan lập pháp 2 dak tâm let năp tay, bâh nĕ tâm rgop mât ueh n’hanh ƀư kloh tay lơn nău tâm kơl đah bar ntŭk kan lập pháp. Xăm đec kruanh lĕ mpơl nău lah ueh Việt Nam lĕ kơl an Campuchia đah nău kan lah kruanh ASEAN 2022.