Kêng măng 26/10, ta Nhih pah kan kruanh dak, Kruanh dak Nguyễn Xuân Phúc hŏ wơt ăp Đại sứ El Salvador, Ấn Độ, Hàn Quốc hao ndơ̆ siƀŭt neh dak

Ta rơh wơt đại sứ El Salvador, Kruanh dak lah rjăp Việt Nam uănh khlay n'hanh ŭch rŏng ntrŭt ntrôl n'hanh n'hao dăng tâm boh đah ăp dak tâm nkual Mỹ Latinh lah nsum, đah Cộng hòa El Salvador lah êng. Việt Nam way nchih nkah nău tâm rnglăp, nău kơl bah ƀon lan Mỹ Latinh, tâm nê geh ƀon lan El Salvador, tâm rơh rlăch ndăng rklaih rnoi nuĭh ntơm nơh  n'hanh rdâk njêng neh dak aƀaơ.

Mbah rhơn wa Sandeep Arya dơi ntăm an ƀư Đại sứ Ấn Độ ta Việt Nam, Kruanh dak Nguyễn Xuân Phúc lah rjăp trong kan mô rgâl bah Việt Nam way ŭanh khlay tâm boh tâm rnglăp n'hanh tâm boh têh jong lam lĕ rngôch đah Ấn Độ, du dak têh hun hao dăng, geh nău khlay kan n'hanh ntŭk gŭ kan têh ta nkual n'hanh lam ntŭr neh. Mbah rhơn wa bu ur Oh Youngju dơi ntăm an ƀư lah bu ur Đại sứ lor bôk năp bah Hàn Quốc ta Việt Nam, Kruanh dak Nguyễn Xuân Phúc nsing nơm đah nău tă ơm gĭt kan âk mpưm bah Đại sứ, tâm boh đah bar dak mbra nar lơn ma  hun hao lơn  đŏng lăp tâm  ngăn ngăn geh nău dơi tam.

VOV/Nuĭh rblang: Điểu Thân