Ntoh ngơi ta rơh rƀŭn nchră, kruanh dak Nguyễn Xuân Phúc lah na nê̆ ăp nău dơi geh bâh neh dak năm 2022 đah nău leo kan bâh Đảng, dâk bôk năp lah Tổng Bí thư Nguyễn Phú Trọng n’hanh lah na nê̆, tâm ăp nău dơi nĕ geh nău tâm rgop dŭt khlăy bâh n’gâng kan kiểm sát nhân dân.

Kruanh dak rnê n’gâng kan Kiểm sát nhân dân nsrôih, leo kan mbơh tơih tâm ban âk trong kan gay ma ƀư ueh lơn 4 nău kan têh khlăy, 7 rmôt kan tơm, dơi geh n’hahh rlău âk nău kan, nău mpŏng kan dơi geh Quốc hội pă jao. Tâm let năp tay, kruanh dak Nguyễn Xuân Phúc đă n’gâng kan Viện kiểm sát nhân dân gâl têh n’gâng n’gâng kan ngăch ndăn rdâk njêng bôk nău kan, nău nchrăp mbơh tơih ƀư tĭng ngăch ndăn, săk rnglăy ăp nău kan, trong kan tâm Nghị quyết mbrô 27 bâh trung ương mpeh rdâk njêng tay n’hanh ƀư lôch nău kan ngih dak pháp quyền XHCN Việt Nam ta rơh mhe”.