Tât râng rơh lễ geh Đại tướng Phan Văn Giang, Kruanh n’gâng kan mât rnă njrăng ngih dak, ndrel đah ndơn kan Quân Ủy Trung ương, n’gâng kan mât rnă njrăng ngih dak n’hanh nuĭh leo kan ta ntŭk. Quân đoàn 34 geh njêng tĭng Quyết định bâh Kruanh n’gâng kan mât rnă njrăng ngih dak, bâh nău lăp kan ndrel ta Quân đoàn 3 Binh đoàn Tây Nguyên n’hanh Quân đoàn 4 Binh đoàn Cửu Long. Aơ lah 2 ntŭk tâm lơh tơm bâh n’gâng kan mât rnă njrăng ngih dak, tă geh njêng âk nău kan ntoh lư tâm ăp rơh tâm lơh mât an đăp mpăn neh dak, đah 164 ntŭk kan n’hanh nuĭh kan geh pă nău ntơ anh hùng lực lượng vũ trang Nhân dân. Quân đoàn 34 geh leo ƀư tĭng trong kan ueh dơh, dăng n’hanh mhe, đah nău kan têh lơn, nău dơi n’hanh nău kan geh n’hao, ndrel năp âk ntil phao blêu, ntil ndơ dŏng khlăy.