N’gâng kan tâm rnglăp nchră nău nar nđaơ ƀư nar mbơh nău ntrŭnh bah Kruanh N’gâng kan tâm rnglăp nchră nău mpeh ndâk njêng n’hanh an trong ƀư nău kan bah Ban ntĭm rđău bah N’gâng kan tâm rnglăp nchră nău mpeh trong kan mât uănh an nuĭh ƀon lan Việt Nam ta dak bah dih, nkre ƀư rơh rƀŭn Ban ntĭm rđău rơh bôk năp. Groi Kruanh N’gâng kan tâm rnglăp nchră nău Phạm Quang Hiệu, Kruanh Ban ntĭm rđău ƀư tơm rơh rƀŭn.

Groi kruanh n’gâng kan tâm rnglăp nchră nău Phạm Quang Hiệu ntoh ngơi ta nar mbơh.

Ntoh ngơi ta rơh rƀŭn, Groi kruanh n’gâng kan Phạm Quang Hiệu mĭn lah Ban cán sự đảng, Kruanh N’gâng kan nchră nău mĭn lah trong kan mât uănh an nuĭh ƀon lan lah du nău kan chính trị bah N’gâng kan nchră nău, dơi ƀư ƀa ƀơ n’hanh nău ŭch trong kan aơ nar lơ ngăch, săk rnglăy lơn, đăp mpăn nău ntĭm rđău na nao n’hanh tâm rgop uĕh đah tâm n’hanh bah dih dak. Nău ndâk njêng n’hanh nău kan bah Ban ntĭm rđău mbra n’hao uĕh, di bah trong kan mât uănh an nuĭh ƀon lan tâm khay tât.