Ntoh ngơi ta rgŏ jă, Kruanh N’gâng kan Tô Lâm lah rjăp, ƀư tĭng nău kuăl jă bah Kruanh Hồ Chí Minh, lam ƀon lan he lĕ ƀư tĭng “Tết tăm tơm si” bôk năp tâm rơh Tết Nguyên đán Canh Tý 1960. Bah nĕ tât aƀaơ, “Tết tăm tơm si” lĕ nsĭt tay nău uĕh têh an neh dak n’hanh jêng du nău way ơm uĕh bah nuĭh ƀon lan he tâm ăp rơh Tết tât, năm mhe.

Kruanh N’gâng kan Tô Lâm rgŏ jă Tết tăm tơm si năm 2023 bah N’gâng kan Công an.

Kơp tât aƀaơ, N’gâng kan Công an lĕ tăm geh rlău 5 rkeh tơm si, tâm nĕ geh 2 rkeh tơm dơi tăm ta ăp ngih pah kan Công an ăp ntŭk, n’hanh 3 rkeh tơm dơi tăm tâm ăp ngih pah kan mât nkrŭng yor N’gâng kan Công an mât uănh. Rƀŏng tĭng tay nău kuăl jă Tết tăm tơm si bah Kruanh Hồ Chí Minh n’hanh mbơh ƀư tĭng trong kan mât uănh, njrăng n’gang, tăm tơm si, tăm bri; ndrel lam dak nsum soan, tâm ban ŭch tăm mhe du rmen tơm si lvang 2021-2025, đah nău mbơh “Yor du Việt Nam uĕh nđĭr”.