Măng nơh (16/12), ta Jay Quốc hội, Kruanh Quốc hội Trần Thanh Mẫn – Kruanh Ban rđău đă mpeh n’glôch jêh tĭng ƀư Nghị quyết mbrô 18 bah Ban Chấp hành Trung ương Đảng khóa XII ƀư tơm rơh hop tâl bar bah Ban rđău đă.

Lah ntơm pơk rơh hop, Kruanh Quốc hội Trần Thanh Mẫn lah rjăp nău glêh tam nuĭh kan rơh dja ân lah du rơh chŏl trong ngăn, nău dăp rgum ân đăp mpăn nuĭh kan “găl, glêh-dăng-yach- tam- nsĭt nău dơi ngăn,” mô dăp rgum geh dơm săk n’hanh di trong rƀŏng Trung ương ƀư dâk hăn leo lor bôk năp n’hanh n’gor n’grŏ tĭng. Lôch n’glăp nsum, glêh tam, nchrăp rnoh âk ăp nhih pah kan bah Quốc hội, nhih pah kan mpeh Ủy ban Thường vụ Quốc hội, ăp vụ, đơn vị bah Văn phòng Quốc hội mbra hŭch rlău 30%. Kruanh Quốc hội Trần Thanh Mẫn dăn đă ăp đại biểu râng rơh hop rgum an nău rgop na nê̆ tâm tĭng nkô̆ bah trong nchrăp siƀŭt rblang dăn, siƀŭt mbơh, wat jêh ăp siƀŭt mbơh hao rblang dăn Đảng đoàn Quốc hội an nău rgop, gay năn mbơh Bộ Chính trị di nar lah bah năp nar 31/12/2024.