Ôi 18/1, Kruanh Quốc hội Hàn Quốc Kim Jin-pyo n'hanh i ur ndrel Mpôl ntơh măt gưl têh Quốc hội Hàn Quốc sĭt bah Thủ đô Hà Nội, dŭt jêh uĕh lăng hăn khâl ngăn Việt Nam tĭng nău jă bah Kruanh Quốc hội Vương Đình Huệ, ntơm bah nar 12-18/1/2023.

Tâm rnôk hăn khâl, Kruanh Quốc hội Hàn Quốc Kim Jin-pyo n'hanh ăp nuĭh hăn ndrel tâm mpôl hŏ an kao si, lăp Lăng weh chop Kruanh Hồ Chí Minh; tât mbah Tổng Bí thư Nguyễn Phú Trọng; ôp srĭng nău đah Thủ tướng Chính phủ Phạm Minh Chính; rgum nchră đah kruanh Quốc hội Vương Đình Huệ. Ta ăp rơh tâm nchră, ôp srĭng nău, ăp  kruanh rđău kan Việt Nam rhơn rnê Kruanh Quốc hội Hàn Quốc tât khâl Việt Nam tâm rnôk bar dak nkre n'hao dăng tâm boh jêng băl mpôl tâm boh têh jong lam lĕ rngôch n'hanh nkah ndray 30 năm njêng tâm boh Việt Nam-Hàn Quốc.

VOV/Nuĭh rblang: Điểu Thân