Kahgĭt 30 năm nar njêng rnoh tâm rgop kơl VIFOTEC n’hanh vơt dơn Huân chương pah kan hạng ngoăy. Ntoh ngơi ta rơh pă nkhôm, kruanh Quốc hội Vương Đình Huệ knơm, rnoh tâm rgop kan VIFOTEC mbra ntơm ndơm njêng nău kan an ăp nău mĭn ŭch rklă kan khoa học công nghệ tâm ăp nuĭh ƀon lan, ndâk nsơm nău ŭch rŏng mĭn kan tâm let năp tay đah mom ndăm lam dak, kơl an ăp oh jêng ăp nuĭh kan tơm, nuĭh mĭn rklă kan tâm let năp tay, tâm rgop khlăy gay ma rdâk njêng neh dak têh dăng n’hanh hun hao.

Gay ma ndâk nsơm tay lơn nău ŭch rŏng mĭn kan, nău kan mhe, ntrôl an hun hao dŏng kan khoa học công nghệ dak tơm jay, kruanh Quốc hội dăn đă, rnoh kan tâm rgop kơl an geh rgum n’hao nău ueh di, nău knơm kan bâh ăp nău nkhôm rnê, rơh tâm rlong, rơh tâm mâp, geh mpŏng nău kan tơm ta ăp trong kan, ntrong kan bâh ăp nău kan khoa học công nghệ geh nău dŏng âk, du đê̆ nău kan đah khoa học tự nhiên n’hanh khoa học kĩ thuật n’hanh công nghệ; ăp trong kan. Geh 45 nău kan ntoh lư ngăn lĕ geh dơn nkhôm rnê mĭn kan khoa học công nghệ Việt Nam năm 2021.