Nar ntri, 18/11, Kruanh Quốc hội Trần Thanh Mẫn hŏ ký Nghị quyết mbrô 1297 bah Ủy ban Thường vụ Quốc hội njêng Ban rđău đă mpeh n’glôch jêh nău tĭng ƀư Nghị quyết mbrô 18 nar 25/10/2017 bah Ban Chấp hành Trung ương Đảng khóa XII-Du đêt nkô̆ nău mpeh rgâl mhe tay, dăp rgum tay nuĭh kan bah lam trong kan chính trị glêh tam ta ăp nhih  pah kan bah Quốc hội, nhih pah kan mpeh Ủy ban Thường vụ Quốc hội, Văn phòng Quốc hội. Kruanh Quốc hội Trần Thanh Mẫn ƀư kruanh Ban rđău đă n’glôch jêh tĭng ƀư Nghị quyết mbrô 18 ta ăp nhih pah kan bah Quốc hội.

Ban rđău đă tâm pă nău dơn kan an tĭng nuĭh kan Ban rđău đă n’hanh rdâk njêng n’gluh an dŏng nău way pah kan, trong nchrăp an tĭng ƀư. Tâm nê jao an Ban Pah kan đại biểu lah Nhih pah kan Rnâng kan bah Ban rđău đă, ăp nuĭh Ban rđău đă tĭng ƀư nău dơn kan tĭng nău tâm pă bah Kruanh Ban rđău đă; kơl kan Ban rđău đă geh Rmôt biên tập tă bah Ban rđău đă n’glêh an njêng. Ban rđău đă dơi dŏng tap pông bah Ủy ban Thường vụ Quốc hội gay rhŏ dŏng pah kan; Ban rđău đă pah kan tĭng trong nkre mât bôk kan.