Ôi nđaơ (17/12), Kruanh Quốc hội Trần Thanh Mẫn lĕ ƀư tơm nar pah kan đah ăp ngih pah kan bah Quốc hội, ngih pah kan mpeh tâm Ủy ban Thường vụ Quốc hội, Văn phòng Quốc hội mpeh n’glôch jêh trong kan năm 2024. Ntoh ngơi ntĭm rđău ta rơh rƀŭn, Kruanh Quốc hội Trần Thanh Mẫn an gĭt, năm 2024, bôl neh dak hôm e âk jêr jŏt, ngăn lah khuch bah rơh phŭt mrô 3 ƀư, yơn lah hao jêng GDP hôm e geh nklăp 7%, 15/15 rnoh ndơ ƀư yor Quốc hội n’gluh an, rnă njrăng nău rêh jêng dơi đăp mpăn.

Tâm năm 2025 geh âk nău khlay bah neh dak, Kruanh Quốc hội đă ăp ngih pah kan bah Quốc hội, Văn phòng Quốc hội, ăp ngih pah kan mpeh tâm Ủy ban Thường vụ Quốc hội mô ŭch đah ăp săk rnglăy lĕ dơi geh ma an nsrôih lơn tay gay mkra ăp nău mô hŏ dơi ƀư, hôm e nkân. Lơn lah nău ƀư tĭng Nghị quyết 18 bah Trung ương mpeh dăp tay n’gâng kan ƀĭt joet an dơi ƀư tĭng rjăp.