Thủ tướng Nhật Bản Ishiba rhơn kruanh Quốc hội Trần Thanh Mẫn tât khâl ngăn ngên dak Nhật Bản, an gĭt mbro tâm rnôk dăch aơ ta ăp rơh rƀŭn nchră âk ding lĕ geh rơh nkhêp tâm nchră đah kruanh dak Lương Cường n’hanh Thủ tướng Chính phủ Phạm Minh Chính, an lah nău tâm boh 2 dak dŭt ueh ngăn n’hanh geh nău tâm rgop na nê̆ đah nuĭh leo kan gâl têh 2 dak. Kruanh Quốc hội Trần Thanh Mẫn đă Nhật Bản an geh kơl tay Việt Nam ta nău kan công nghiệp mhe- nău rêh mhe, ntrôl dăng, pơk hvi nău tâm kơl mpeh ndơ dŏng ntung trong, ŭnh nar kloh ueh, ntŭk mât rnoh mbrô, chíp bán dẫn...ăp trong kan ma Nhật Bản geh âk nău dơi, Nhật Bản kơl an Việt Nam tât râng  nău tâm rgop pă an chất bán dẫn lam ntur neh. Ta rơh tâm nchră, bar ding lĕ tâm ban ŭch n’hao nău tâm rnglăp ntĭm nti nuĭh kan bâh ntrôl tâm kơl nuĭh kan, ntĭm nti nuĭh kan gĭt blău, tâm nđur đah ƀon lan bar dak.