Tâm rnôk  hăn khâl ngăn Lào, Kruanh Quốc hội Trần Thanh Mẫn hŏ mâp Groi kruanh dak Lào Pany Yathotou. Kruanh Quốc hội Trần Thanh Mẫn mpơl nău nsing nơm an lah, đah nău nchrăp ăp dăp bah Quốc hội Lào, Đại hội đồng AIPA tâl 45 mbra geh nău dơi uĕh lăng, rgop n’hao nău khlay kan, ntŭk gŭ têh hao khlay bah neh dak Lào tâm nkual.

Tâm rnôk mâp, tâm ôp mpeh nô nău, bar kruanh rđău kan lah rjăp Đảng, Ngih dak n’hanh ƀon lan bar dak way uănh khlay n’hanh an lor tâm nău mât njrăng n’hanh mô rlu bun dăp tâm boh tâm rnglăp têh kuâng, tâm rnglăp mha êng n’hanh tâm boh lam lĕ rngôch Việt Nam-Lào; ŭch rŏng ntrŭt ntrôl lơn đŏng tâm boh đah bar dak, bar Quốc hội lăp tâng jru, geh nău tam n’hanh ngăn ngăn. Bar kruanh rđău kan tâm ban ŭch an lah, tâm boh đah Quốc hội bar dak way dơi rdâk nkah n’hanh hun hao.