Kêng măng 2/12, tâm rnôk hăn khâl Singapore, Kruanh Quốc hội Trần Thanh Mẫn hŏ tâm nchră ma Thủ tướng Singapore Lawrence Wong. Tâm rnôk tâm nchră, Kruanh Quốc hội Trần Thanh Mẫn rnơm lah, ndrel ma nau ƀư tay Tổng thư ký Đảng Hành động Nhân dân, Thủ tướng Lawren Wong mra rđau Singapore geh dơi âk nau têh lơn tâm hun hao văng sa, rêh jêng, ntrŭnh ngăch nau dơi bah ăp bôk nau kan leo tât nau êng, ntoh lư bah Bôk nau kan “Singapore hao lơn”, bah nê n’hao nau dơi bah Singapore tâm nkuăl ndrel lam ntur neh.

Uănh tay ntrong kan rlau 50 năm ndâk tâm boh nchră nau ndrel 10 năm ndâk nau tâm boh kan nsum, bar rđau kan lah rjăp nau tâm boh Việt Nam-Singapore mô nsrŭng hun hao, geh dơi ăp nau khlay tâm ăp nau kan; rnơm chính trị geh nâp lơn bah nau mât săk tam, vay tâm nchră rmôt kan, tâm mâp gưl prêh; ngăn lah tâm rơh tât, bar ding mra lŏ tâm rgop ngăn, ơm leo tâm boh bar dak hao du nhoat prêh mhe./.