Ta rơh vơt, Kruanh Tập đoàn Tokyu lĕ mbơh đah Kruanh Quốc hội mpeh nău geh tâm kơl tâm rgop kan ndrel đah Tokyu n’hanh Becamex tâm nău hun hao ndơ dŏng nkuăl ƀon têh ta Bình Dương, nkre lah lah ueh n’gor Bình Dương way geh mât uănh, kơl an n’hanh nta nău dơh nơih an tập đoàn tâm rnôk pah kan tâm kơl ndrel, ntuh kơl ta ntŭk. Uănh rnê âk nău hun hao n’hanh hun hao ngăch bâh Việt Nam tâm ban năp nơh, Kruanh tập đoàn Tokyu ŭch tâm kơl tay, tâm mbơh nău tă blău kan lĕ geh rgum tâm 100 năm ba năp mpeh hun hao nkuăl ƀon têh, gay ma rdâk njêng Bình Dương jêng nkuăl ƀon têh ueh nđir, kruanh Hội đồng Quản trị Tập đoàn Tokyu ŭch mbơh nău tă blău kan êng nơm n’hanh bâh Tập đoàn gay ma pơk hvi ăp nău ntuh kơl ta trong kan ndơ dŏng ntung trong nkuăl ƀon têh ta Việt Nam lah nsum n’hanh n’gor Bình Dương lah êng.