Kêng măng 27/1, Kruanh Quốc hội Vương Đình Huệ hŏ tât khâl, rhơn tết Viện mĭn nau ndâk njêng pháp luật bah Uỷ ban Rnâng kan Quốc hội. Kruanh Quốc hội Vương Đình Huệ ân lah, Viện mĭn nau ndâk njêng pháp luật lah nau kan geh êng, bôk tơm tâm rgum, rgum n’hâm dăng têh bah ăp nŭih blau kan gay ma râng rgop nau rđau đă đăp mpăn ân Quốc hội, ngăn lah tâm nau ƀư nau kan ndâk njêng.

Ndri ma, Kruanh Quốc hội ŭch Viện mĭn njêng pháp luật lŏ ƀư tĭng ueh ăp nau tă dơi, mât tâm dăch bôk nau kan bah Đảng đoàn Quốc hội, rgum tâm ăp nau kan têh, jêr nkol. Kruanh Quốc hội lah rjăp, nau kan ndâk njêng pháp luật geh ak nau ŭch n’ăp ma mpeh nau bư ndrel nkô̆, yơn nau đă khlay ngăn lah nau ndâk njêng hun hao, ntrŭt dăng nau hun hao ngăch, nâp nâl ndrel tâm rnglăp lam ntur neh jru, hvi bah neh dak./.