Nkhêp geh bôk năm mhe, ôi 27/1, ta Jay Quốc hội, Kruanh Quốc hội Vương Đình Huệ hŏ mâp măt ăp Đại biểu Quốc hội rnâng kan ta Trung ương; cán bộ, công chức, viên chức, nuĭh kan mpeh Văn phòng Quốc hội. Tĭng Kruanh Quốc hội, năm 2022 mpôch tay tâm dăp rduăl âk nău kan khlay, nău kan bah Quốc hội.

Ta ăp rơh hop Quốc hội, Ủy ban thường vụ Quốc hội, Hội đồng dân tộc, ăp nhih pah kan bah Quốc hội, ăp nhih pah kan mpeh Ủy ban Thường vụ Quốc hội, tĭng mpôl đại biểu Quốc hội n'hanh tĭng nuĭh đại biểu Quốc hội, tâm ban kơt ăp cán bộ nsŏng kơl nău kan, cán bộ, công chức, nuĭh kan bah Văn phòng Quốc hội hŏ geh dŭt âk nău nsrôih rgop tâm nău rgâl mhe tay, n'hao săk tam kan bah Quốc hội. Đah nău rŏng bah êng nơm, Kruanh Quốc hội Vương Đình  Huệ dăn an ăp đại biểu Quốc hội; cán bộ, công chức, viên chức, nuĭh kan Văn phòng Quốc hội năm mhe n'hâm suan ngăch lăng dăng soih, bêng ăp nău rhơn n'hanh nău dơi têh lơn đŏng tâm năm 2023.

VOV/Nuĭh rblang: Điểu Thân