Kruanh Quốc hội Vương Đình Huệ đă lĕ rngôch cán bộ, tahen công an n’gor hăn lor, ntrong leo, mât uănh jăp n’hanh ƀư rjăp Nghị quyết Đại hội rơh tal 13 bah Đảng n’hanh Nghị quyết, nău ntĭm đă, n’glôn jêh bah Đảng mpeh ndâk njêng rmôt công an.

Kruanh Quốc hội Vương Đình Huệ khâl, mbah rhơn Tết Công an n’gor Lào Cai

Kruanh Quốc hội đă, rmôt Công an n’gor Lào Cai mât nău tơm khlay ndâk njêng ntrong leo lam ƀon lan mât rnă njrăng neh dak; ntrôl dăng trong kan rgŏ jă đah ndâk njêng jâng rnă njrăng nuĭh ƀon lan, mât rnă njrăng nuĭh ƀon lan; n’hao tay n’hanh ƀư uĕh trong kan rnă njrăng rêh jêng, ntop kơl ƀon lan nkual jru ngai, nkual n’har bri, nkual dŭt jêr jŏt đah nuih n’hâm “mô an nuĭh geh ntlơi bah kơi”. Lơn lah tâm rơh Tết way ơm aơ đăp mpăn an nuĭh ƀon lan wơt Tết đăp mpăn, dơi geh du tết hơm răm, uĕh lăng.