Di rơh bôk năm mhe n’hanh kahgĭt 93 năm nar njêng Đảng cộng sản Việt Nam quang vinh 3/2, ôi lơ 30/1, ta thôn Trường Sơn, xã Chân Sơn, nkuăl Yên Sơn, n’gor Tuyên Quang-ntŭk “Thủ đô rklaih đăp mpăn”, “Thủ đô tâm lơh”,  kruanh Quốc hội Vương Đình Huệ lĕ râng rơh rgŏ jă tâm rlong n’hanh “tết tăm tơm si lĕ nău rêh kahgĭt wa Hồ” năm mhe Quý Mão 2023.

Kruanh Quốc hội lah na nê̆, năm mhe Quý Mão 2023 lah năm “Tết tơm si” geh ntơm ƀư bâh năm mhe Canh Tý tŏng 63 năm ta năp nău kuăl jă bâh kruanh Hồ Chí Minh. Đah nău rhơn nđơr mhe, nău nsrôih mhe, trong kan mhe, kruanh Quốc hội knơm “tết tăm tơm si lĕ nău rêh kahgĭt wa Hồ” năm mhe Quý mão năm 2023 bâh n’gor Tuyên Quang mbra dơi geh âk nău geh ueh lơn, ntop rdâk njêng neh dak Việt Nam ueh nđir mhe, hun hao nâp nâl, kơt nău ŭch rŏng têhkhlăy bâh kruanh Hồ Chí Minh: “Năm mhe lah tết tăm tơm si, ƀư an neh dak ăp nar lơ ma ueh mhe”.