Dơn nău jă bah Kruanh Quốc hội Vương Đình Huệ, Kruanh Thượng viện dak Campuchia Samdech Say Chhum leo Mpôl ntơh măt gưl têh Thượng viện dak Campuchia khâl ngăn Việt Nam ntơm bah nar 24/10 tât nar 26/10.

Kêng măng 24/10, ta Jay Quốc hội, Kruanh Quốc hội Vương Đình Huệ hŏ ƀư tơm nău wơt Kruanh Thượng viện Samdech Say Chhum n'hanh Mpôl ntơh măt gưl têh Thượng viện dak Campuchia.

Lôch wơt, bar ding hŏ ƀư tâm nchră. Ta rơh tâm nchră, Kruanh Quốc hội Vương Đình Huệ n'hanh Kruanh Thượng viện Campuchia Samdech Say Chhum ndrel uănh năl, hăn khâl dja lah nar kan dŭt khlay tâm nău rdâk tay n'hanh hun hao tâm  boh kâng n'har tâm rnglăp, tâm  boh lam lĕ rngôch Việt Nam- Campuchia lah nsum tâm ban kơt đah ăp nhih pah kan njêng pháp luật bar dak lah êng, Kruanh Quốc hội Vương Đình Huệ mpŏng, bar dak ntrŭt ntrôl ơm ƀư lôch jêh "Dăp rgum  lam lĕ rngôch buăt nthoi bar jâng wăng sa Việt Nam - Campuchia tât năm 2030"; nta trong dơh tay an nuĭh ntuh kơl doanh nghiệp ta ăp dak buăt nthoi tâm boh. Tâm boh mât uănh geh nău tam mpeh mât đăp mpăn rnă njrăng n'har bri, mât kân lhăt gay nking nchăng ăp ntil nău tih n'hanh luh lăp mô geh nău way, nău tih tăch rvăt nuĭh. Mpeh Quốc hội Việt Nam n'hanh Tâm boh tâm rnglăp nghị viện đah bar dak, bar  kruanh rđău kan ndrel ŭch rŏng, bar ding mât trong tâm ôp tâm rgâl trong tă ơm gĭt kan gŭ mĭn, nsŏng kơl rgum n'hanh ƀư rhŏ dŏng ăp nău kan bah Nghị viện; mât uĕh tay nău way tâm boh kan nsum ta rơh rgum nchră đah ăp n'gor....

VOV/Nuĭh rblang: Điểu Thân