Kruanh Quốc hội Vương Đình Huệ mbah rhơn Đại sứ dak Campuchia Chay Navuth lĕ jêh uĕh nău ta Việt Nam; uănh lah dŭt têh ăp nău rgop bah wa Đại sứ lah êng n’hanh bah Đại sứ quán Campuchia ta Việt Nam lah nsum tâm nău n’hao tâm boh oh nô uĕh lăng, dăch dêh way ơm, kan ndrel lĕ rngôch, nâp nâl jŏ jong đah 2 dak ta lĕ rngôch ăp trong Đảng, Ngih dak, chính phủ, Nghị viện n’hanh tâm nđŭr đah nuĭh ƀon lan.

Kruanh Quốc hội Vương Đình Huệ wơt Đại sứ dak Campuchia.

Kruanh Quốc hội mĭn lah, Quốc hội Việt Nam, êng Kruanh Quốc hội Việt Nam mbra ƀư dŭt n’hâm nơm gay rgop n’hao, nâp nâl, n’hao nuih n’hâm tâm rnglăp dăch dêh n’hanh nău kan ndrel lĕ rngôch đah 2 Đảng, 2 Ngih dak; nkoch nău mpŏng ŭch, bôl ta ăp nău kan, wa Đại sứ mbra an tay nău rŏng, nuih n’hâm ntrôl lơn tay tâm boh uĕh lăng đah 2 Đảng, 2 dak, nuĭh ƀon lan 2 dak.