Kruanh Thượng viện dak Campuchia Samdech Say Chhum leo mpôl Ntơh măt gưl têh Thượng viện dak Campuchia khâl ngăn Việt Nam ntơm bah 24 tât 26/10.

Dơn nău jă bah Kruanh Quốc hội Vương Đình Huệ, Kruanh Thượng viện dak Campuchia Samdech Say Chhum leo mpôl ntơh măt gưl têh Thượng viện dak Campuchia tât Thủ đô Hà Nội, khâl ngăn Việt Nam ntơm nar nar 24 tât 26/10.

Aơ nău kan chính trị đah dak bah dih khlay đah Quốc hội Việt Nam n'hanh Thượng viện Campuchia tâm năm 2022 lah "Năm tâm rnglăp Việt Nam - Campuchia, Campuchia - Việt Nam", nkhêp nkah ndray 55 năm Nar njêng tâm  boh đah bar dak (24/6/1967), rgop n'hao dăng krêp dêh, tâm nsing nơm chính trị đah bar Đảng, bar dak n'hanh bar Nhih pah kan njêng pháp luật. Hăn khâl bah Kruanh Thượng viện dak Campuchia Samdech Say Chhum rơh dja lah rnôk gay bar ding tâm ôp, uănh năl mpeh ăp nău dơi tâm boh bar Nhih pah kan njêng pháp luật tâm bah ri aơ, rgop rdâk tay n'hanh ntrŭt ntrôl tâm boh kâng n'har uĕh lăng, tâm rnglăp way ơm, tâm boh lam lĕ rngôch, jŏ jong đah bar dak./.

VOV/Nuĭh rblang: Điểu Thân