Ôi ntri (29/11), ta Hà Nội, Groi Thủ tướng Lê Thành Long râng mít tinh tĭng Nar lam ntŭr neh, njrăng n’gang AIDS (01/12) đah nkô̆ “Tâm ban geh, tâm ban tât ndơ rhŏ dŏng njrăng n’gang HIV/AIDS – Rƀŏng tât dŭt bah nău ji AIDS tâm năm 2030”.
Việt Nam hŏ rlău bơi 35 năm njrăng n’gang HIV/AIDS n’hanh geh âk nău dơi uĕh, lah dak dâk leo lor bôk năp Châu Á - Thái Bình Dương mpeh rnoh nuĭh dơi săm dak si PrEP, kơl mât kân dơi 97% nuĭh dŏng dêr dơi geh ma nău ntưp rêng HIV. Gay tĭng ƀư dơi dŭt bah lĕ nău ji AIDS tâm năm 2030, Groi Thủ tướng Lê Thành Long đă ăp n’gâng kan ra uănh tay, kơi ntop, lôch jêh pháp luật mpeh njrăng, n’gang HIV/AIDS đăp mpăn tâm di, ăp kôp. N’gluh an dŏng trong đă tĭng, trong kơl, nta trong dơh gay n’hao nău tât râng âk bah ăp mpôl, ăp nuĭh, rgâl mhe tay, n’hao săk tam nău lư, nkoch trêng, ntĭm nti, lơn lah njrăng bah mưch rmot, nkêh êng geh tât nuĭh ji HIV/AIDS.
Viết bình luận