Tâm nĕ “Siêu thị Mini tết 0 đồng” lah bôk nău kan ntêm an ăp rnăk vâl geh nău rêh jêr jŏt, nuĭh quet nte n’hanh nuĭh ach o. Ăp rnoh phiếu rvăt ndơ đah rnoh khlăy 500 rbăn prăk, nuĭh dơn ndơ mbra săch êng ăp ntil ndơ nơm ŭch dŏng ơm geh ta siêu thị kơt lah: sĭk, phe, tăp kik djăr, mì tôm, boh bôt ngot, banh keo...Năm aơ, bôk nău kan pă an 700 phiếu rvăt ndơ an nuĭh ach o ta nkuăl ƀon têh Buôn Ma Thuột n’hanh nkuăl têh Buôn Hồ.

Di rơh aơ, ăp ntŭk kan Đoàn ta lam n’gor lĕ geh ăp nău kan na nê̆ mpŏng tât an nuĭh ach o, tơm khlăy kơt lah: uănh săm ji pă dak si mô sŏk prăk, pă ndơ dŏng, rdâk ƀư ngih jay tâm kơl, pă ndeh vah jâng, học bổng.