Kêng măng 9/12, Mpôl đại biểu Quốc hội n’gor Dak Lak ƀư tâm nchră mâp cử tri lôch rơh hop tâl 8. Tâm nchră dơi ƀư rgum ta nkual ƀon têh Buôn Ma Thuột n’hanh pơk ƀoh sŏng dăng tât ăp nkuâl: Krông Pắc, Krông Búk, Cư M’gar, Krông Năng, Ea Súp n’hanh Buôn Đôn.

Ta tâm nchră, cử tri Dak Lak hŏ dăn đă âk nău rgop geh tât trong kơl hun hao wăng sa rêh jêng kon nuĭh bah n’gor kơt: rnoh ntop kơl gay rdâk njêng bôk nău kan hun hao bri jŏ jong; nău tâm pă tơm ndơ tĭng ƀư bôk nău kan rdâk njêng ƀon lan mhe. Cử tri Dak Lak dăn đă n’gâng kan ăp gưl, n’gor nkuâl mât uănh khlay lơn đŏng tât ntrôl dăng rnoh ngăch kơl neh gŭ, neh tuch tăm n’hanh jay tĭng bôk nău kan hun hao wăng sa- rêh jêng kon nuĭh gưl neh dak nkual rnoi mpôl đê̆ n’hanh mpeh yôk yang; nău trok tâm an ăp rnăk geh sŏk mplơ̆ tay neh ƀư Nhih máy thủy điện Sêrêpôk 3, bôk nău kan ƀư nhih jay truh sat....