Đah nkô̆ “Tâm rnglăp, ƀon lan ƀư tơm, rgâl mhe, blau mhe ndrel hun hao”, Đại hội ntoh măt lam dak MTTQ Việt Nam tal 10, năm kan 2024-2029 geh ntơm lơ 16 tât 18 khay 10 ta Thủ đô Hà Nội. Đại hội geh nau râng bah bơi tât 1.400 ntoh măt ân ăp kơn ƀon lan, ăp rnoi mpôl, mpôl chroh, rmôt tahen, nŭih ƀon lan Việt Nam dôl rêh tâm dak bah dih. Đại hội mra mbơh nau lôch bah Uỷ ban Trung ương MTTQ Việt Nam gưl 9, năm kan 2019-2024 ndrel Bôk nau kan bah MTTQ Việt Nam gưl 10, năm kan 2024-2029;

Mêt uănh rjăp nau kan bah uỷ ban, Rmôt Kruanh ndrel Rnâng kan Uỷ ban Trung ương MTTQ Việt Nam gưl 9 năm kan 2019-2024; rgâl nkra, ntop tay nau ntrŭnh MTTQ Việt Naml tâm nchră sŏng, đă Uỷ ban MTTQ Việt Nam gưl 10 năm kan 2024-2029 nchră nchră nau ntrŭnh Đại hội. Nchrăp rnoh nŭih uỷ viên Uỷ ban Trung ương MTTQ Việt Nam gưl 10 lah 405 nŭih (hao 20 nĭih rđil đah gưl 9). Rnoh nŭih Uỷ viên Rmôt Kruanh bah Uỷ ban Trung ương MTTQ Việt Nam gưl 10 lah 72 nŭih (hao 10 nŭih rđil đah gưl 9)./.