Lôch năm aơ mra ntơm ndâk nau nchrăp nkra trong hăn ngăch Bắc-Nam rlet n’gor Phú Yên. Aơ lah nau mbơh geh ndŏ luh tâm rnôk pah kan tâm kêng măng 3/11, đah Kruanh n’gâng kan gung trong-nchuăn rdeng Nguyễn Duy Lâm đah UBND n’gor Phú Yên mpeh nau ntrŭt dăng ngăch nau kan ntrơn ntŭk gay ma ndâk nkra trong hăn ngăch Bắc Nam lvang năm 2021-2025. Bôk nau kan nkra trong hăn Bắc-Nam rlet n’gor Phú Yên geh rnoh jong rlau 90 km, đah rnoh ntuh kơl 26 rbăn rmen.

Rnôk aơ nau kan kơp, năp rnoh neh gay ma ntơm ƀư ân nau kan geh 83%. Gay ma đăp mpăn nau dơi nsum, N’gâng kan gung trong nchuăn rdeng đă n’gor Phú Yên ntrŭnh ƀư ndrel ăp nau kan khlay gay ma nchrăp ndâk bah năp lơ 31/12. N’gâng kan gung trong nchuăn rdeng đăp mpăn tŏng dơi ăp tơm prăk kơl an ân nau kan ntrơn ntŭk ƀư kan, nsôih kơl an nkuăl gay ma doh rklaih nau jêr, kol tâm rnôk ƀư nau kan./.