Kahgĭt 93 năm nar njêng Đảng n’hanh 10 năm nar njêng rnâng kan ntĭm leo Trung ương mpeh njrăng rdâng sa nkhiăn, sa ƀer, mpŭng lir, nar aơ 2/2 ta Hà Nội geh ƀư rơh ntơm mbơh tơih ndrôm săm ƀŭt “Nsrôih, răng dăng njrăng rdâng nău sa nkhiăn, sa ƀer, ntop rdâk njêng Đảng n’hanh ngih dak he ăp nar lơ ma kloh ueh, nâp dăng” bâh Tổng Bí thư Nguyễn Phú Trọng.

Ndrôm săm ƀŭt 3 gâl: bôk năp lah ăp nău têh ma Tổng Bí thư Nguyễn Phú trọng mbơh tơih, klang n’gul lah ăp nău ngăn ntĭm leo njrăng rdâng sa nkhiăn, sa ƀer, ma nău ngăn Tổng Bí thư Nguyễn Phú trọng ntĭm đă Đảng he njrăng, rdâng sa nkhiăn,. Nglâ̆ dŭt lah ăp nău nchih nkoch mpeh nău du nuih n’hâm lĕ ƀon lan tâm nău kan njrăng, rdâng sa nkhiăn sa ƀer aơ. Groi Giáo sư, Tiến sĩ Lê Quốc Lý- tă kan groi Giám đốc Học viện chính trị ngih dak Hồ Chí Minh an gĭt; aơ lah ndrôm săm ƀŭt dŭt khlăy lah ntil ndơ an đảng viên tiăr nti, rgâl mhe, ndâk nsơm dơi ăp nău tih, nău mô blău kan bâh nơm tâm nău ngăn rdâk njêng neh dak.