Ngih săm ƀŭt Đại học Tây Nguyên rnôk aơ geh rlau 640 cán bộ, nŭih pah kan, ntĭm nti rlau 9000 sinh viên, đah 5 ngành Tiến sĩ, 12 ngành thạc sĩ ndrel chuyên khoa gưl I, 36 ngành Đại học, du ngih săm ƀŭt THPT ndrel du ngih săm ƀŭt mầm non thực hành. Rnôk aơ, Ngih săm ƀŭt Đại học Tây Nguyên hŏ ƀư jêh nau kan mât uănh kloh nau nâp bah ntŭk kan ntĭm nti ndrel ƀư jêh nau uănh năl nâp mpeh nau dơi bah 3 ngành ntĭm nti: Giáo dục tiểu học, Quản trị kinh doanh ndrel công nghệ sinh học geh tŏng nau dơi nâp nâl bah n’gâng kan ntĭm nti.

Tĭng nau ntrŭnh mrô 23 lơ 6/10/2022 bah N’gâng kan Chính trị mpeh nau kan ntĭm trong ân nau hun hao nau kan văng sa rêh jêng ndrel đăp mpăn rnă njrăng neh dak nkuăl Tây Nguyên tât năm 2030, rƀŏng tât 2045, Ngih săm ƀŭt Đại học Tây Nguyên lah ngoai tâm ăp nkô̆ nau geh kơl an hun hao. Ngih săm ƀŭt Đại học Tây Nguyên uănh năl lah nau kan khlay bah năm nti aơ lah N’hao nau kan mât đại học, ƀư rjăp ntrong ƀư nau kan ân gloh, nơih săk tam, n’hao nau kơt tĭng nau nkoch mbơh nau mhe tâm nau kan mât, ntĭm ndrel nti./.