Tĭng ƀư nău tâm ton tâm boh têh jong đah Chính phủ 2 dak Việt Nam- Lào, ôi (26/10), ta nkual ƀon têh Kon Tum ƀư rơh ký ton siƀŭt nchih nkah mpeh tâm boh đah UBND n'gor Kon Tum n'hanh n'gâng kan n'gor Attapư, dak CHDCND Lào lvang năm 2022- 2027.

 Lah ta rơh Lễ ký ton siƀŭt nchih nkah mpeh tâm boh đah bar n'gor, wa Dương Văn Trang, Ủy viên Trung ương Đảng, Bí thư Tỉnh ủy, Kruanh HĐND n'gor Kon Tum n'hanh wa Lệt Xay-nhạ-phon, Ủy viên Trung ương Đảng Nhân dân cách mạng Lào, Bí thư Tỉnh ủy, Kruanh n'gor Attapư rnê âk ăp nău dơi hŏ geh mpeh tâm boh đah bar n'gor tâm bah ri aơ nkre lah rjăp n'hao dăng tay, rdâk tay, hun hao tâm boh tâm rnglăp, tâm boh lam lĕ rngôch, tâm rnglăp mha êng đah n'gor Kon Tum n'hanh n'gor Attapư.

Kalơ nuih n'hâm tâm gĭt wât nsum, nsing nơm nsum, bah nău hŏ dơi geh tâm ban kơt năl kloh jêr jŏt, ntul rlong, UBND n'gor Kon Tum n'hanh n'gâng kan n'gor Attapư, dak CHDCND Lào hŏ ký ton siƀŭt nchih nkah mpeh tâm boh lvang năm 2022- 2027 đah ăp nău kan na nê̆ tâm tĭng ntil nău kan: Chính trị, tâm boh dak bah dih; Njrăng n'gang neh dak rnă njrăng; wăng sa; ntĭm nti n'hanh hun hao  tơm  nuĭh kan.

VOV Tây Nguyên/Nuĭh rblang: Điểu Thân