M’nông – Ôi 3/11, ta nkual ƀon têh Kon Tum, Mpôl cán bộ kruanh n’gor Kon Tum n’hanh n’gor Sê Kông, dak CHDCND Lào geh nar pah kan uănh lah săk rnglăy kan ndrel năm bah năp n’hanh ký ton sam ƀŭt mpeh kan ndrel lvang 2022-2027.

UBND n’gor Kon Tum n’hanh n’gâng kan n’gor Sê Kông lĕ ký ton samƀŭt nkah gĭt geh 7 điều mpeh kan ndrel đah 2 n’gor lvang 2022-2027. Tĭng nĕ, Kon Tum n’hanh Sê Kông kan ndrel rjăp mpeh rnă njrăng, đăp mpăn, ndâk njêng n’har bri đăp mpăn, kan ndrel n’hanh hun hao lĕ rngôch; tâm rgop mhe ăp nău ntrŭt ngăch ntuh kơl tăch rgâl, ntrŭt đă nuĭh ntuh kơl bah n’gor joi ntŭk ntuh kơl n’hanh mbơh nău nchrăp ƀư ta 2 n’gor;

nta nơih an kon hŏk n’gor Sê Kông hăn nti ta ăp ntŭk ntĭm nti ta n’gor Kon Tum tĭng bôk nău nti đại học lvang 2024-2029 n’hanh an cán bộ, kon hŏk n’gor Kon Tum hăn nti ta ăp ntŭk ntĭm nti ta Lào tĭng bôk nău ntĭm đêt khay; Ntrŭt ƀư tâm rgop tour, trong pâl nđaih gay joi ndơ pâl nđaih ta trong bah dih wăng sa Đông-Tây...