Ôi 28/12, ta nkual ƀon têh Kon Tum, UBND n'gor Kon Tum n'hanh Ủy ban n'gâng kan n'gor Stung Treng, dak Campuchia ƀư ký ton mpeh tâm  boh kan nsum rdâk n'hao dăng tay, hun hao  tâm boh tâm rnglăp n'hanh tâm boh lam lĕ rngôch.

Lah ta rơh ký ton, wa Lê Ngọc Tuấn, Kruanh UBND n'gor Kon Tum lah rjăp, bol n'gor Kon Tum n'hanh n'gor Stung Treng, dak Campuchia mô geh nsum trong n'har bri yơn bri dak neh ntu, loih kông....geh âk nău tâm ban gay ndrel tâm boh hun hao ta ăp trong kan ma ăp ding uănh khlay. Kalơ nuih n'hâm tâm wât nsum, tâm nsing nơm nsum, Mpôl cán bộ gưl têh n'gor Kon Tum n'hanh Stung Treng, dak Campuchia hŏ uănh năl na nê̆ nău dơi tâm boh bah ri  aơ, nchŏng luh ăp jêr jŏt, kŏ kol n'hanh tâm ban ŭch ký ton tâm boh kan nsum.

Tâm nê trong kan wăng sa, rhŏ dŏng mbra rgum tâm boh hun hao pâl nđaih, tuch tăm, tăch rgâl n'hanh công thương. Trong kan Văn hóa- rêh jêng kon nuĭh rgum tâm boh hun hao ntĭm nti, văn hóa, ntop kơl nuĭh Việt ta n'gor Stung Treng. Trong kan dak si tâm ôp nău tă ơm gĭt kan njrăng n'gang nuh srê, ntĭm nti tơm nuĭh kan dak si n'hanh tâm khâl nsum. Bar ding tâm ban ŭch 2 năm du tơ̆ mbra tâm pleh ƀư tâm nchră uănh năl jêh geh nkô̆ hŏ ký ton./.

VOV Tây Nguyên/Nuĭh rblang: Điểu Thân