Tâm 2 nar lơ 9-10/12, ta nkuăl ƀon têh Buôn Ma Thuột, n’gor Dak Lak, Radio Việt Nam tâm rgop ma Viện Hun hao ntoh rup, ntoh ngơi Châu Á-Thái Bình Dương (AIBD) ƀư nau ntĭm nti “Nau blau ƀư phóng sự thời sự” ân ăp phóng viên ndrel biên tập viên ăp Ntŭk kan ntoh ngơi-ntoh rup nkuăl Tây Nguyên. Râng jrâu nti, ăp nŭih geh ăp nŭih blau nau kan bah Viện Hun hao ntoh ngơi, ntoh rup Châu Á-Thái Bình Dương mbơh nau blau khlay tâm nau rklaih nau mbơh, rklaih rup, ndâk phim ndrel biên tập.

Ngăn lah ăp nau kơt lăp dŏng nau kan mrô, nau kan mrô mhe geh nsum ma nau tâm nthoi đah nau mbơh nau ngăch, năn, gay ntop tay nau mbơh âk ntil, n’hao nau rgum n’hâm bah phóng sự thời sự. Ndrel ma nau geh nti, ăp nŭih hôm geh râng ăp nau ƀư ngăn tâm ntŭk, kơl an ăp nŭih dŏng nau nti tâm nau ngăn. Aơ lah nau kan tâm ăp bôk nau n’hao nau blau báo chí, gay tŏng dơi nau ŭch nar lơn prêh bah nŭih uănh mpeh nau ngăn bah nau nkoch mbơh mhe bah Radio Việt Nam./.