Nar 11/11, Nhih nti Đại học Tây Nguyên ƀư Lễ khai giảng năm nti mhe 2024-2025. Nhih nti Đại học Tây Nguyên aƀaơ geh rlău 9.500 kon se nti, sinh viên; ntĭm nti 5 ngành tiến sỹ, 12 ngành thạc sỹ n’hanh chuyên khoa gưl ngoăy, 37 ngành đại học.

Ndrel đah nê, nhih nti hôm ƀư pah kan but săm ji n’hanh rhŏ dŏng ƀon lan ta Nhih dak si Đại học Tây Nguyên. Lah ta rơh lễ khai giảng năm nti mhe, Tiến sỹ Nguyễn Thanh Trúc, Hiệu trưởng Nhih nti Đại học Tây Nguyên an gĭt, nhih nti n’hao dăng tay pah kan mât bôk kan đại học; dăp rgum tay mpôl kan glêh tam, nsĭt geh nău dơi; wat jêh đề án n’glăp nhih nti Cao đẳng Sư phạm Dak Lak tâm nhih nti Đại học Tây Nguyên; nchrăp ăp ndơ gay njêng đại học nkual bah năp năm 2030. Nhih nti mbra uănh khlay lơn đŏng tât ăp trong kan ntĭm nti mpeh tuch tăm mât rong công nghệ mhe, công nghệ sinh học tĭng Đề án bah Bộ Giáo dục n’hanh Đào tạo mpeh “Rdâk njêng Ntŭk rgum ntĭm nti săk blău âk ta nkual ƀon têh Buôn Ma Thuột n’hanh nkual ƀon têh Đà Lạt”.