Ôi 18/1, ta Đền thượng-Ntŭk nkah ăp Kđăch Hùng tâm ntŭk ƀư Công viên Lịch sử văn hoá rnoi mpôl nkuăl ƀon têh, Thành uỷ, HĐND, UBND, Uỷ ban MTTQ Việt Nam nkuăl ƀon têh Hồ Chí Minh ƀư nau leo bánh m’êt gay ôp brah tât Kđăch Hùng Vương di rnôk tết năm mhe 2023. Aơ lah nau kan ueh ơm bah rnoi mpôl ăp năm geh nkuăl ƀon têh Hồ Chí Minh ƀư tâm rơh tết năm mhe, leo âk ntil nau ueh bah rnoi mpôl, nau ueh bah nŭih ƀon lan Nam Bộ.

Bah nê ntoh nau ngêt dak nkah gĭt tu ndrel nau nkah ngăn tât Kđăch Hùng, ăp nŭih hŏ leo trong lor tâm nau ndâk neh dak ndrel mât neh dak. Jêh rnôk leo bánh, mpoh kthup tât Kđăch Hùng Vương, rmôt kan ntoh măt rđau kan bah Thành uỷ, HĐND, UBND, Uỷ ban MTTQ Việt nam nkuăl ƀon têh Hồ Chí Minh hŏ tât chop, mpoh kthup tât Đức lễ Thành hầu Nguyễn Hữu Cảnh./.