Nkuăl ƀon têh Hồ Chí Minh mhe ƀư Lễ hội Tết Việt Quý Mão 2023, đah nkô̆ “Nkuăl ƀon têh gâp rŏng”. Geh ntơm rnôk aơ tât lơ 5 Tết, Lễ hội Tết Việt Quý Mão 2023 ntoh ngăn đah ntŭk ntrong “Phố Ông đồ” đah nklăp 50 ông đồ mom ndrel mực tàu n’ha rđaih chăng gŭ nchih play săm ƀŭt ân năch. Ntŭk ƀư lễ hội lơn ma geh yor geh 100 tơm kao mai êr ueh, kơl an bu năch ndơn saơ ăp nau ueh bah năm mhe tâm lam nkuăl ƀon têh moh săk Wa. Êp nê, ta aơ kŏ geh âk nau kan pâl nar Tết kơt: mon tò he, trah si, vẽ rup ơm, ntŭk tăch ndơ sa ma ŭnh kđen, ntŭk tăch ao dai...

Tâm aơ hôm geh âk nau kan hăn kơl an, mât chăm Tết ân nŭih ƀon lan kơt: Bôk nau kan “Ndeh năm mhe” leo sinh viên sĭt ƀon sa Tết, “Ndeh tâm kơl” ân công nhân sĭt ƀon, rƀŭn mâp bah sinh viên vơt Tết ngai ma rnăk vâl...Tâm nar ntơm, rnâng kan hŏ pă nklâm ndơ tết tât kon se geh nau rêh jêr jŏt, kon se rêh kon đơi yor srê Covid-19./.