Rgum nchră (EATOF) năm aơ hăn ndrel đah nkah gĭt 20 năm ndâk njêng EATOF. Đại hội đồng rgum nchrăp pâl nđaih ăp nkual Đông Á ƀư rƀŭn nchră pâl nđaih dơi ndâk njêng bah năm 1999 ta n’gor Gangwon, Hàn Quốc. Aƀaơ, rgum nchră EATOF geh 10 dak geh n’gor Cát Lâm (Trung Quốc), Cebu (Philipppine), Gangwon (Hàn Quốc), Luang Prabang (Lào), Quảng Ninh (Việt Nam), Siêm Riep (Campuchia), Sarawak (Malaysia), Tottori (Nhật Bản), Tuv (Mông Cổ) n’hanh Yogyakarta (Indonesia).

Wa Kim Jin Tae, kruanh n’gor Gangwon , Hàn Quốc ntoh ngơi nkah gĭt 20 năm ndâk njêng EATOF.

Nău rƀŏng bah rgum nchră lah kan ndrel hun hao nău kan công nghiệp pâl nđaih nâp nâl tâm nkual. Đại hội đồng EATOF lah năm geh bôk nău “Rdâk hao bah pâl nđaih nkual Đông Á tâm rach năm nâm ơm mhe” hăn ndrel đah nkah gĭt 20 năm ndâk njêng Rƀŭn nchră EATOF ndrel nău ƀư, nău kan geh nkô̆ nău khlay n’hanh ƀư jru lơn nău tâm boh kan ndrel, dăch dêh ăp n’gor kan ndrel EATOF.