Nkhêp geh bôk năm mhe 2023, Thủ tướng Chính phủ Phạm Minh Chính mhe ntrŭnh đă ƀư 12 gâl tâm nthoi ntuh kơl rdâk njêng trong cao tốc Bắc - Nam mpeh luh nar. Njăr trong geh lĕ rngôch rnoh jong 729 km hăn rlău 12 n'gor, nkual ƀon têh lah ăp gâl hăn rlău: Hà Tĩnh - Quảng Trị; Quảng Ngãi - Nha Trang; Cần Thơ - Cà Mau, đah lĕ rngôch tơm prăk ntuh kơl 147.000 rmen prăk.

Njăr trong tâm pă ƀư jêng 12 gâl nthoi, bôk  năp ƀư lôch jêh tâm năm 2025 n'hanh n'glăp dŏng ntơm bah năm 2026. Tât aƀaơ, neh đă ntrơn du rong an 12 gâl trong hŏ dơi jao geh 70%, tŏng an nău ŭch geh ƀư. Gay ƀư lôch jêh tât năm 2025 nthoi njăr trong bah Lạng Sơn tât Cà Mau, Thủ tướng Chính phủ Phạm Minh Chính đă Bộ Giao thông vận tải rgum rđău đă ăp Ban mât uănh trong nchrăp kan, mbơh nti groi nđôi n'hanh nuĭh tơm ndranh dơn kan dŭt âk, rgum lĕ tơm nuĭh kan, ndeh rklư têh dăng mhe, rdâk njêng trong nchrăp, trong ƀư khoa học, đăp mpăn nâp uĕh.  

VOV/Nuĭh rblang: Điểu Thân