Ôi aơ (5/1), ta Jay Quốc hội, ntơm pơk Rơh hop ndal tâl 2, Quốc hội khóa 15. Ta rơh hop dja, Quốc hội rgum hop jŏ  tâm 4 nar, mĭn uănh, n'glêh an 5 nkô̆ khlay, jăch ndăn, năn ngăch an nău ŭch geh bah nău rêh. Na nê̆, Quốc hội mbra mĭn uănh, an dŏng Luật but săm ji (rgâl nkra) gay n'hao  dăng pah kan mât njrăng n'hâm suan, n'hao ngăch dăng n'hâm suan nuĭh ƀon lan; sŏk nuĭh ji ƀư rgum tơm an ăp nău kan but, săm ji.

          Nchrăp 3 Nghị quyết dơi uănh an dŏng, tâm nê dŭt njrăng lah Nghị quyết mpeh dăp rgum lam lĕ rngôch neh dak rơh 2021-2023, uănh ngai tât năm 2050 gay mât uĕh săk geh tĭng nkual wăng sa- rêh jêng kon nuĭh; ŭanh ngai tât năm 2050 jêng dak hun hao, nsĭt geh wăng sa âk, nău rêh geh nău tâm ban, rsang rnglăy. Nkô̆ dŭt njrăng lah Quốc hội mĭn uănh pah kan nchrăp nuĭh ƀư ntơh măt n'hanh nuĭh kan êng ƀa ƀă mpeh nău dơi bah Quốc hội.

VOV/Nuĭh rblang: Điểu Thân